dj_diamant | Date: Tuesday, 2007-08-14, 6:59 PM | Message # 1 |
Admin
Group: Administrators
Messages: 267
Status: Offline
| Astronauti i "Apollo 9" tashmë ka marrë përsipër një mision të ri: të shpëtojë Tokën nga goditja e trupave qiellorë Gjuetari i asteroideve Ka hyrë në histori si protagonist i mi sionit amerikan në Hënë, "Apollo 9", por në rastin rënies së ndonjë asteroidi mbi sipërfaqen e tokës, mund të njihet edhe si Kasandra e kohëve tona, i injoruar nga shkencëtarët e gjithë rruzullit. Rasti Shveikart, ish-astronauti 71- vjeçar, prej vitesh paralajmëron komunitetin ndërkombëtar mbi rreziqet e goditjes së planetit nga këta trupa qiellorë, dukuri me impakt të jashtëzakonshëm për shkak të dëmeve katastrofike që mund të shkaktojnë, gjë që në mënyrë të pashmangshme do shoqërohej me vdekjen e miliona njerëzve. Në vitin 2001 krijoi fondacionin B612 (i pagëzuar me emrin e asteroidit të përshkruar në librin "Princi i vogël"), detyra e të cilit është paralajmërimi për gjithë botën mbi një rrezik që të paktën, sipas asaj që thotë ai, nuk mund të quhet aspak i largët. Organizata në fjalë u kërkon agjencive hapësinore të lokalizojnë vendndodhjen e saktë të trupave gravidantë që gjenden në afërsi të planetit tonë, të vlerësohen mundësitë e impaktit me tokën për secilin prej tyre dhe të përpilohen planet për anashkalimin e përplasjes, në rast se një gjë e tillë është e nevojshme. Por, thirrjet e fondacionit kanë rënë me përpikëri në boshllëk dhe kanë munguar përgjigjet e gjithë enteve hapësinore të të gjithë globit, NASA në krye. "Është diçka që më bën të mos mbyll sy gjithë natën, shpjegon Shveikart. Jo sepse druhem për të ardhmen e Tokës, por sepse studioj vazhdimisht e kërkoj zgjidhje". Interesi i tij për asteroidet lind nga interesi i përhershëm që ka pasur mbi biologjinë hapësinore, shkenca që studion zanafillën dhe format e jetës në univers. "Evolucioni i specieve që popullojnë tokën, provon një numër të madh episodesh të përcaktuara nga impaktet e asteroideve, vazhdon të shpjegojë. Zhdukja e dinozaurëve, 65 milionë vite më parë, është shembulli më i fundit. Por ka pasur goditje me efekt më të vogël para dhe pas kësaj". Sipas studiuesit, bëhet fjalë për raste shumë të shpeshta, por edhe të parashikueshme, gjë që i jep njerëzimit mundësinë të jetë i përgatitur. Shveikart është ndër të parët që në vitin 2004 dha alarmin për 9942 Apophis, asteroidin që mund të përplasej me Tokën në vitin 2029 e në 2036-ën. Rreziku është më se i pranishëm, por edhe në atë rast përgjigjja e agjencive hapësinore është inekzistente. "Apophis ishte një mundësi e përkryer për të kuptuar ç'rrezik na kanoset, pasi rastet e tilla janë të shumta, vazhdon shpjegimin shkencëtari. Sot mundësitë e impaktit janë 1 në 45 mijë, por është kurajues fakti që qëndron ende një ofertë e bërë nga 'Shoqata planetare', e cila ofron 50 mijë dollarë për njeriun që jep planin më të mirë për parandalimin e përplasjes". Filozofia është gjetja e sa më shumë burimeve për të mbështetur studimet, jo vetëm financiare, por edhe njerëzore, me ekspertë, shkencëtarë e këdo është i aftë të kontribuojë në çdo nivel, pasi edhe "kontributi legal e politik është mjaft i rëndësishëm në nisma të kësaj natyre". Por deri më sot përgjigjet kanë qenë mjaft të dobëta dhe Shveikart nuk heziton për asnjë çast të akuzojë kryesisht agjencinë hapësinore amerikane, NASA. Kongresi amerikan i ka kërkuar kësaj agjencie të identifikojë brenda vitit 2020 90% të trupave me diametër më shumë se 140 metra, me orbita në afërsi të Tokës. Por ligji i aprovuar nga kongresi dhe i nënshkruar nga Presidenti Bush në vitin 2005, nuk ka gjetur zbatim: "NASA nuk po e përmbush atë që i është kërkuar", vëren shkencëtari, i bindur se duhet të drejtohet diku tjetër për të parashtruar idetë dhe frikën e tij. "Po punojmë me agjencinë hapësinore evropiane. Ata kanë një program të quajtur 'Don Kishoti', ku është parashikuar vënia në dispozicion e dy anijeve kozmike: 'Sanço', që shkon në orbitë dhe vendoset në afërsi të asteroidit dhe 'Hidalgo' që shkëputet nga Sanço për të goditur sipërfaqen e tij". Tani për tani programi është lënë mënjanë, por sipas Shveikart mund të rinisë shumë shpejt edhe me financimin e duhur, për t'u kompletuar brenda vitit 2015. "Problemi është se ne të fondacionit B612 jemi të vetmit që këmbëngulim në vënien në jetë të nismës". Të gjithë atyre që mendojnë se probleme më urgjente, siç është efekti serrë, nuk lejojnë krijimin e fondeve për gjuetinë e asteroideve, shkencëtari u përgjigjet: "Në rast se teksa eci në rrugë rrezikoj të shtypem nga ndonjë autobus, apo të goditem nga ndonjë rrufe, nuk shqetësohem vetëm për autobusin. Nuk mund të pretendoj që të gjitha paratë të shpenzohen për këto programe e mos të investohet asnjë dollar për gjetjen e zgjidhjes për efektin serrë, edhe pse duhet të them se nuk nevojiten miliarda". Operacionet e kërkimeve në NASA mbi këtë fushë do të zinin vetëm 1% të buxhetit të saj, ndërkohë që në rast se gjendeshim përpara urgjencës për të devijuar një asteroid, fondet e domosdoshme do të ishin astronomike. Sipas Shveikart, të mos mbahej parasysh një rrezik i tillë, do qe neglizhencë e pafalshme. Edhe pasi bëhet fjalë për fenomene të parashikueshme me lehtësi, janë mundësitë për të vlerësuar në masë të kënaqshme kohët dhe modalitetet e një impakti të mundshëm. "Është diçka e ndryshme nga uraganet: pasi lokalizohet perturbacioni, duhen veç pak orë përpara se të mbërrijë, dhe e vetmja masë që mund të merret është evakuimi i popullsisë së rrezikuar", thotë heroi i misionit "Apollo 9", i cili i kujton të gjithë se, në rastin e impaktit të një asteroidi, dëmet do të jenë 10 mijë herë më të rënda nga ato të shkaktuara nga uragani Katrina. E megjithatë, përsërit: "Bëhet fjalë për katastrofa lehtësisht të parashikueshme, që mund t'u shmangen falë njohurive dhe kapaciteteve teknike që shkenca zotëron sot. Të mos vihesh në lëvizje, do të thotë të mos duash të mbijetosh, dhe njeriu do të pësonte të njëjtin fat me dinozaurët". RASTI SHVEIKART I lindur më 25 tetor të vitit 1935, në Neptum të Nju- Xhersit, ishastronauti që mori pjesë në misionin "Apollo 9", si pilot i modulit që u ul në Hënë, në vitin 2001 ka krijuar fondacionin B612 ALARMI Shveikart është ndër të parët që në vitin 2004 dha alarmin për 9942 Apophis, asteroidin që mund të përplasej me Tokën në vitin 2029 e në 2036-ën. Rreziku është më se i pranishëm
Message edited by dj-timi - Wednesday, 2007-08-15, 9:21 AM |
|
| |